Një person është arrestuar në Viti pasi dyshohet se me veturën e tij ka goditur disa persona që ishin duke qëndruar në një park, raporton Policia e Kosovës.

Sipas policisë, pesë persona kanë pësuar lëndime trupore dhe janë dërguar për trajtim mjekësor, shkruan Arbresh.info.

Pas inicimit të rastit i dyshuari është dërguar në mbajtje.

“Viti / 08.09.2025 – 21:25. Është arrestuar i dyshuari mashkull kosovar për shkak se i njëjti dyshohet se me veturën e tij i ka goditur disa persona që ishin duke qëndruar në një park. Pesë persona kosovarë kanë pësuar lëndime trupore dhe janë dërguar për trajtim mjekësor. Në vendin e ngjarjes përveç njësive policore ka dalë edhe prokurori i cili ka urdhëruar që pas inicimit të rastit i dyshuari të dërgohet në mbajtje”, thuhet në raportin 24 orësh të PK-së./Arbresh.info